पुष्कर लोहनीका आठ हाइकु

~पुष्कर लोहनी~

१
तेजिलो आँखा
छिर्न खोज्छ अँध्यारो
मनै भरङ्ग ।

२
भरिन्छ आँफै
कुलो छेड्दै बगेको
आँफै ठोकिन्छ ।

३
कामा धेनु पो
खोंचबाट बगेको
सेताम्मे गङ्गा ।

४
पवित्र मोक्ष
सागरको दर्शन
जल छर्किंदै ।

५
सफा गिंलास
उबाएँ चिसो पनि
नदी तरेर ।

६
कती पिउनु
तन्काउन थालेको
थुप्रोको थुप्रो ।

७
पचेको लाज
भमराको चुसाई
फूल नै लठ्ठ । 

८ 
सम्झें बिरालो
चाट्न खोजेको माया
जुठो परेछ ।

(अप्रिल १२, २०२० का दिन शर्मिला पोखरेलद्वारा सञ्योजित पहिलो पटक अनलाईन मञ्च जूमका मध्यमबाट आयोजना भएको "३०औं नेपाली कोठे साहित्य कार्यक्रम"मा पठाईएको हाइकु आविष्कार भारतीद्वारा वाचन गरिएको ।)