Saturday, August 1, 2020

कविता : मलाइ दोहोरो नागरिकतामा पार

 ~दिनार 'रनादी'~

  तिम्रो फूलबारी को झार हुं म
 लौ मलाइ उखलेर फाल
 बिद्रोहको स्वर हुं म
 लौ सछौ भनें मेरो मुख थुनेरमार

 फुडकार्डमा पैसा सकियो आज भोकै छु म
 सक्छौ भने चोरिको परिबन्दमा पार


 भाग्न नसकेर सडकमा ढलें म
 सक्छौ भने घाटि थिचेर मलाई मार

 दलित भएर के भो, हो म प्रेममा पागल छु
 सक्छौ भने मेरो बाटो छेकेर मार
 यो जातिय बिभेद कति दिन चल्ला र अब
 सम्झ बुझ प्रेमको बलिदान जादैन खेर्।

 घुस नदिइ सरकारी काम बन्दैन
 तर घुसदिनेको लाइनमा मलाई नराख
 घुस खाएको मुद्दामा घुसै दिएर छुटने
 साछी किनारामा मलाइ नराख

 चुनाबको नमस्कार खांदाखांदा म अघाएं
 अब भो पुग्यो , मलाई नमस्कार नगर
 तिमि ठूलो छौ महान छौ तर बिन्ति छ
 निमुखाको तिरस्कार नगर


 चुनाबि तिम्रो भाषणले घाइतेछु म
 अब मलाइ धेरै अधकल्चो नपार
 कोरोनाले थकित गलित छु
 अब मलाइ आर्यघाट सार

 थप:
 रहरले म परदेशीएको होइन
 तिम्रो मनमुटुबाट मलाइ नझार
 जन्मदाको म नेपालि मर्दाकोपनि नेपालि
अब मलाइ दोहोरो नागरिकता मा पार ।

(अगष्ट १, २०२० का दिन राजेन्द्र-सिता अर्यालद्वारा संयोजन गरिएको अनलाईन मञ्च जूमका मध्यमबाट आयोजना भएको "३१औं नेपाली कोठे साहित्य कार्यक्रम"मा वाचन गरिएको ।)

No comments:

Post a Comment