~मित्र पौडेल~
सँधै चित्त दुख्ला भनी पीर हुन्छ
कतै साथ छुट्ला भनी पीर हुन्छ ।
कसोरी म बाचौं लिई सम्झना ती
कतै मान डुब्ला भनी पीर हुन्छ ।
सबैमा लुकेका यहाँ छन् कहानी
कहाँ रात पुग्ला भनी पीर हुन्छ ।
दबाएर पीडा म पर्खिरहेछु
दबिएर लुक्ला भनी पीर हुन्छ ।
मरी के लिनु छ र जिन्दगीमा
यो मुस्कान सुक्ला भनी पीर हुन्छ ।
(मार्च २३, २०१९ का दिन सन्तोष-बिन्दू लामिछानेको निवासमा आयोजना भएको "२५औं नेपाली कोठे साहित्य कार्यक्रम"मा वाचन गरिएको ।)
No comments:
Post a Comment