गजल : रुवा बनी खसिदिन्छौ तिमी

~लेखनाथ काफ्ले~

कती कोमल रुवा बनी खसिदिन्छौ तिमी
मनमा ढिक्का हिउँ बनी बसिदिन्छौ तिमी ।

सेतो रङ्गमा सजिएर खुशी छरीदिन्छौ
तापमा पग्ली कतै किन पसिदिन्छौ तिमी ।


लेक लगाई मुटु मेरो छियाछिया पार्छौ
बिष मलाई पिलाएर डसिदिन्छौ तिमी ।

उन्मादमा तिम्रो रङ्ग प्यारो लाग्न थाल्छ
मलाई बन्द कोठाभित्र कसिदिन्छौ तिमी । 

(अक्टोबर २७, २०१८ का दिन अबिमन-सृजना पसछेंको निवासमा आयोजना भएको "२३ औं नेपाली कोठे साहित्य कार्यक्रम"मा वाचन गरिएको ।)