Saturday, October 1, 2016

मित्र पौडेलका चार मुक्तक

~मित्र पौडेल 


पिडाको काहानी बाँकी छ
अझै एउटा परीक्षा बाँकी छ
फेरी सताउने भए आउ प्रियतमा
मुटु चिरा भईसक्यो अब शरीर बाँकी छ ।

हिमचुलिको उचाईमा पनि फर्कँदैन
नखोजेमा धातु मिल्ने खानि फर्कँदैन
समय एकातिर मान्छे अर्कोतिर
बुढो भएपछी जवानी फर्कँदैन ।



दिन्चर्याका घन र गिट्टीले तर्सायो
मध्यरातमा सिठ्ठीले तर्सायो
दिनैपिच्छे प्रतिक्षाको आशामा बाँच्दै गर्दा
धागो बां८धिएको एउटा चिठ्ठीले तर्सायो ।


यो मधुमासमा तिम्रो आसमा जती फूल फूलेका छन् 
सबै व्यर्थ छन्
तिमी नै छैनौ जुन मसँग भने
स्वर्ग नै पृथ्वीमा आए ति सबै व्यर्थ छन्

 
(अक्टोबर १, २०१६ का दिनमा रमेश-मन्दिरा खनालको निवासमा भएको 'नेपाली कोठे साहित्य कार्यक्रम'को १३ औँ श्रिङ्खलामा वाचन गरिएको)

No comments:

Post a Comment