~कल्पना ढकाल रिजाल~
न किताबी ज्ञान, नत बैज्ञानिक ज्ञान
तर पनि घर चलाएँ,
समाजमा इज्जत कमाएँ
छोरा र छोरी आफै हुर्काएँ,
नाता-गोता आफै फुर्काएँ
धन पनि कमाएँ,
खेति-पाती आफै समाएँ, अनी किन चाईयो पोई ?
दाउरा घाँस, मादले, किर्तन, भजन आफै गराएँ
छोरालाई अन्माई, बुहारी भित्राएँ,
छोरीलाई कन्यादान र ज्वाँईलाई आफ्नो बनाएँ,
अनी किन चाहियो पोई ?
नारी र पुरुषको भेदभावलाई हटाएँ,
आफ्नो घाऊ सुर्ग बनाएँ,
छोरीहरूलाई शिक्षा दिलाएँ,
छोराहरू ज्ञानी बनाएँ,
मेरो गाउँ र समाजलाई भविष्य देखाएँ
म एक्लो महिला भएँ त के
दुई हात आफै चलाएँ
अनी किन चाहियो पोई ?
(सेप्टेम्बर २८, २०१९ का दिन राम-कल्पनाको "रिजाल निवास"मा आयोजना भएको "२८ औं नेपाली कोठे साहित्य कार्यक्रम"मा वाचन गरिएको ।)
No comments:
Post a Comment