मान्छेदेखी मान्छे किन डराउँछ आजभोली
अनायसै झस्किएर कराउँछ आजभोलि ।
सत्य बोल्ने मानिसहरु पछी पर्न थालेकाछन्
नैतीकता त्यसै तलै हराउँछ आजभोलि ।
शान्तीका दूत परेवाहरु असुरक्षित छन् यहाँ
रगत पोतिएको झन्डा फहराउँछ आजभोलि ।
सहि बाटो हिंड्न पनि गाह्रो भईसक्यो
असल काम गर्दा खुट्टा थर्थराउँछ आजभोलि ।
जस्को शक्ती उस्को भक्ती, जे गरेनी भयो यहाँ
त्यसैलाई नै मान्छे मन पराउँछ आजभोलि ।।
(नोवेम्बर २, २०१९ मा आयोजित 'नाफा-साहित्य साँझ २०७६' अन्तर्गतको 'बिजय मल्ल साहित्य पुरस्कार'मा वाचन गरिएको सहभागी प्रतियोगी कविता)
No comments:
Post a Comment