भींडमा दौडिन्छु आँत्तिएर
बाबा आमा हुन् कता
खैलाबैला कोलाहाल
छ यता उता ।
पछाडि हेर्न डर लाग्छ
साथी ढलेको पो देख्छु
अगाडि बाढ्न कर लाग्छ
कहीं पुग्छु कि सोंच्छु ।
भोकले पिल्सिएको छु
थकाई लागेको छ त्यस्तै
निदाउन भए लाग्छ
आँखा फेरी खुल्दैनन् कि ?
पानी मात्रा पर्ने आकाशबाट
बर्सिंदैछ गोली बम पनि
बारूदको धुवाँले ढाक्तैछ कतै
कालो बादल बनी ।
अपरिचित अनुहार भए पनि
उस्तै देखिन्छन् सबै यहाँ
डर र त्रासले भरिएका यि
डौडिंदैछन् कहाँ कहाँ ।
के नै बिराएथें मैले
यस्तो सजाय भोग्नु पर्यो
हिजो खेलेको सानो घर
खरानी भएको हेर्नु पर्यो ।
के पढेको थें के सुनेको थें
गलत नै थियो कि सबै
हामी नै हो भविष्य भन्ने गर्थे
मारिंदैछौं हामी सधैं ।
हिजोसम्म आफ्नो जमिन
आज अरु कसैको भयो भन्छन्
पूर्खा देखी बसेको धरा आज
हामी त्यहीं शरणार्थी भयौं भन्छन् ।
दोष कस्को खोजी दिन गुहार
अबोध बलापन पिनिएकोछ आज
स्वार्थपूरा कैसैको पुरा गर्न एउटा कोपिला
क्यापको कुनोमा थुनिएकोछ आज ।
(नोवेम्बर २, २०१९ मा आयोजित 'नाफा-साहित्य साँझ २०७६' अन्तर्गतको 'बिजय मल्ल साहित्य पुरस्कार'मा वाचन गरिएको सहभागी प्रतियोगी कविता)
No comments:
Post a Comment